Pod 15
15
1Nơ̆r tơl rơngơp chhơp ngach tơdrong hil.
Nơ̆r pơma arăng pơdrŭt tơdrong blĕk.
2Hơpiĕt lu bơngai hơgei đei pơma hlôh wao;
Mă-lei đei 'bơ̆r lu bơngai kơhlôh rai 'bôh kơtul.
3Măt Kră Yang 'bôh jơ̆p-jang anih,
Oei lăng lu bơngai kơnê̆ păng lu bơngai 'lơ̆ng.
4Hơpiĕt pơma rơngơp noh thoi tơm 'long arih;
Mă-lei đei hơpiĕt lu bơngai kơnê̆ tuĕnh jĭ pơrăm lăm jơhngơ̆m.
5Bơngai kơtul kuă kơ mơ̆ng nơ̆r 'bă tơtă bơtho.
Mă-lei bơngai hơgei oei mơ̆ng nơ̆r chrih bơtho.
6Lăm hnam bơngai hơgei đei mŭk tơmam gĭt tih.
Tơmam lu bơngai kư̆ kă tă kơ đei truh tơdrong răm.
7Nơ̆r 'bơ̆r bơngai hơgei rei tơdrong hlôh wao;
Mă-lei jơhngơ̆m lu kơwao ưh kơ thoi noh.
8Tơmam soi lu bơngai kơnê̆ pơm 'mê̆ krưp kơ Kră Yang;
Mă-lei đei nơ̆r krao khan đơ̆ng lu bơngai tơpăt Kră Yang lăp đon.
9Kră Yang areh dêh trong lu bơngai kơnê̆;
Mă-lei sư 'mêm mơnat kơ bơngai bu kiơ̆ trong tơpăt.
10Phak kơtang tơpă bơngai bu kuă kơ kiơ̆ trong tơpăt;
Bơngai areh kơ tơdrong teh bơtho gô lôch.
11Hơlŭng jrŭ dêh atâu lăm âu Kră Yang 'bôh đĭ;
Pơma kiơ lăm jơhngơ̆m kon bơngai!
12Bơngai kư̆ kă kuă kơ đe chrih.
Sư ưh kơ wă kuă kơ năm tơ bơngai hơgei.
13Jơhngơ̆m 'nă hal thar 'bôh muh măt chơt hiôk.
Mă-lei đei jơhngơ̆m sơ'ngon pơm trăp kơ jơhngơ̆m đon.
14Jơhngơ̆m bơngai gơh hơgei oei chă tơdrong hlôh wao.
Mă-lei 'bơ̆r lu bơngai kư̆ kă chă luăn sa tơdrong bơlŭk.
15Đĭ-đăng năr lu bơngai pơmat-tat 'bôh thoi pơmat ngăl,
Mă-lei đei jơhngơ̆m chơt hiôk lăng thoi et sa ling-lang.
16Kơtrơ̆m đei mŭk tơmam tŏ sĕt,
Mă-lei đei jơhngơ̆m băt hli yom kơ Kră Yang.
Hloh kơ đei mŭk tơmam lơ mă-lei đei jơhngơ̆m rŭng răng.
17Kơtrơ̆m sa săi 'nhot mă-lei oei tơ'mêm băl,
Hloh kơ sa 'nhĕm rơmo bek mă-lei đei tơdrong areh băl.
18Bơngai 'bônh kơ blĕk jing tơhil băl.
Mă-lei bơngai bu hiơ̆ kơ blĕk, pơm kơ jơhngơ̆m hil 'bônh kơ ngach.
19Trong lu bơngai hơlah lăng thoi dur jơla găn.
Trong lu bơngai tơpăt măt lăng tơhnă 'lơ̆ng.
20Kon gơh hơgei đei pơm kơ 'bă sư hiôk.
Kon kơ chu hil areh kơ mĕ sư.
21Bơngai ưh kơ hlôh 'bôh tơdrong kơtul hiôk.
Mă-lei bơngai hlôh 'bôh trong sư yak tơpăt.
22Tơdă ưh kơ chă đon pơđâu, tơdrong ih wă pơm gô hiong;
Mă-lei tơdah đei đon lơ pơđâu chơchă tơdă wă pơm gô jing.
23Nơ̆r tơl trŏ pơm kơ đe hiôk chơt;
Nơ̆r pơma lăp kiăp trŏ 'lơ̆ng dêh.
24Trong tơdrong arih lu bơngai hơgei đei rai tŏk;
Wă kơ sư gơh klaih đơ̆ng dêh atâu ala sŭng.
25Kră Yang gô teh tơhuŏng hnam lu bơngai pơang;
Mă-lei sư gô bơwei hơdral teh lu drŏ-kăn adro.
26Kră Yang hil areh kơ tơdrong lu bơngai kơnê̆ wă pơm;
Mă-lei đei nơ̆r 'lơ̆ng rơgoh pơm kơ Sư lăp đon.
27Bơngai ham pơm kơ hnam dơnŏ sư chhŭr nuih,
Mă-lei bơngai đei areh kơ sa pơgâm gơh arih.
28Jơhngơ̆m bơngai tơpăt băt tơchĕng tơl liơ trŏ;
Mă-lei đei nơ̆r lu bơngai kơnê̆ tơlĕch nơ̆r kơnê̆ kư̆ kă.
29Kră Yang ataih đơ̆ng lu bơngai pơm kơnê̆,
Jê̆ păng mơ̆ng nơ̆r lu bơngai tơpăt krao apinh.
30Măt 'bôh hơdah pơm kơ đe jơhngơ̆m chơt hiôk.
Tơdrong 'nao kơtơ̆ng hiôk dŏng pơklaih kơting.
31Bơngai bu chu iŏk đe teh bơtho;
Bơngai noh gô oei arih hơdai lu bơngai hlôh wao.
32Bơngai bu sơngah kơ tơdrong teh bơtho, areh kơ bơhngol kơdih.
Mă-lei bơngai bu chu mơ̆ng nơ̆r đe chrih bơtho, gơh đei hlôh wao.
33Tơdrong băt hli yom kơ Kră Yang chrih bơtho bơngai noh gô jing hơgei;
Đei iŏk đon ala ba adrol tơdrong đe pơyom.
Currently Selected:
Pod 15: bdq
Highlight
Share
Copy
Want to have your highlights saved across all your devices? Sign up or sign in
©Bahnar Bible Association. All rights reserved.