YouVersion Logo
Search Icon

Lir. 1

1
Lukano lwe libaang'ana
1Mu lirakikha Wele abaang'ana#1.1 abaang'ana: mu lirakikha . . . likulu ne liloba, namwe mu lirakikha nga Wele ne arakikha khubaang'ana likulu ne liloba. likulu ne liloba. 2Liloba se liaba ne efwaani tawe, lundi se liabamo siindu tawe ne sisiilima siaba khu lusiba, mala roho owa Wele#1.2 Wele: kamaani ka Wele, namwe embeo khukhwama khu Wele, namwe embeo eriisia. afwelanga khu meechi.
3 # 2 Bakor. 4.6 Nio, Wele alaka ali, “Buwaanga bubeeo,” mala buwaanga bwabao. 4Wele abona ali buwaanga bwaba bulayi, mala aukhasia buwaanga khukhwama khu siilima. 5Atiuukha buwaanga ali, “Kumuusi” ne sisiilima asitiuukha ali, “Siilo.” Bwelabula mala bwasia, endaalo eye khunyoa.
6 # 2 Pet. 3.5 Nio Wele alaka ali, “Embaka ebeo akari we kameechi, mala yaukhasie kameechi khukhwama khu meechi.” 7Wele akhola embaka mala aukhasia kameechi kakaaba asi wayo khukhwama khwako kakaaba angaaki wayo. Mala kaba kario. 8Nio Wele atiuukha embaka eyo ali, “Likulu.” Bwelabula mala bwasia, endaalo eya khabili. [HEAVEN THE DWELLING PLACE OF GOD--MWIKULU-ABUUNDU NIIO WELE AMENYILE THE WATER ABOVE THE VAULT--KAMEECHI KAALI ANGAAKI WE MBAKA THE VAULT OF HEAVEN--EMBAKA YE LIKULU EARTH--SIBALA The Abyss of Water--Lusiba lwe Kameechi Pillars of the Earth--Chinjeko Chichatikiya Sibala Pillars of the Sky--Chinjeko Chichatikiya Likulu Sheol--Emakoombe]
9Nio Wele alaka ali, “Kameechi kaali asi we likulu kebuusie abuundu alala, mala sibala sibonekhe.” Mala kaba kario. 10Wele atiuukha sibala ali, “Liloba,” ne kameechi kakebuusia alala aakatiuukha ali, “Chinyanja.” Mala Wele aabona ali bili bilayi. 11Wele alaka ali, “Liloba likhusie bimelwa chingano choosi: bibiama bumiicho ne bibiindi bibiama kamatuunda, buli silala khuloondekhana ne lukano lwasio khu sibala.” Mala kaba kario. 12Liloba liarusia bimelwa chingano choosi, mala Wele abona ali bili bilayi. 13Bwelabula mala bwasia, endaalo ekhola khataru.
14Ne Wele alaka ali, “Bikhosia bibeo mu mbaka mwe likulu biaukhasie kumuusi khukhwama khu silo, mala bibe bibiekesia biise#1.14 biise: namwe biise bie busangaafu bwe khukhwisaaya., chindaalo ne kimiiko, 15bibe buwaanga mu mbaka mwe likulu bikhosie khu liloba.” Mala kaba kario. 16Nio Wele akhola bikhosia biboofu bibili. Sikhosia siboofu siamiie kumuusi ne sitiitikho siamiie siilo, lundi akhola ching'enieesi chosi. 17Mala Wele abira mu mbaka mwe likulu bikhosie khu liloba, 18biamiie kumuusi ne siilo, mala biaukhasie buwaanga khukhwama khu siilima. Mala Wele abona ali bwaba bulayi. 19Bwelabula mala bwasia, endaalo ekhola khane.
20Wele alaka ali, “Kameechi kabemo bie bulamu bikali, ne chinyuni chibe mu mbaka mwe likulu.” 21Nio Wele abaang'ana naliiria kimiboofu kie munyanja alala nende bioosi bie bulamu bibiechula mu meechi khuloondekhana ne chingano chabio, ne chinyuni chingano choosi. Mala Wele abona ali bwaba bulayi. 22Mala Wele abibiita chikhabi ne aloma ali, “Saalana mukuche, mwichule mu nyanja, ne chinyuni chikuche khu liloba.” 23Bwelabula mala bwasia, endaalo ekhola kharaano.
24Nio Wele alaka ali, “Liloba lirusie bie bulamu khuloondekhana ne chingano chabio, chikhaafu ne bibiindu bimoola ne chisaang'i che mundaa ne chisolo khuloondekhana ne chingano chacho.” Mala kaba kario. 25Wele akhola chisaang'i che mundaa ne chisolo khuloondekhana ne chingano chacho, ne chikhaafu khuloondekhana ne chingano chacho, nende buli sisiindu simoola asi khuloondekhana ne lukano lwasio. Mala Wele abona ali bwaba bulayi.
26 # 1 Bakor. 11.7 Nio Wele aloma ali, “Lekha khukhole omundu mu fwaani yefwe, ne lukoondo lwefwe, ne lekha bamiie khu ng'eeni, khu nyuni, ne khu saang'i choosi, chimbaywa nende che mundaa#1.26 khu ng'eeni, khu nyuni, ne khu saang'i choosi, chimbaywa nende che mundaa: likaluukhasia lilala lie khaale liakaluukhasibwa lili chisaang'i ne chisolo chimbaywa nende che mundaa, ne Lueburania luli chisaang'i ne chimbaywa ne liloba lioosi ne khu buli sindu simoola khu liloba.”, chimboofu ne chindiiti.” 27#Mat. 19.4; Mk. 10.6 #Lir. 5.1-2 Nio Wele abaang'ana omundu mu fwani yewe. Abuumba omuseecha no mukhasi. 28Mala Wele ababiita chikhabi ne aloma ali, “Saalana mukuche, mwichusie liloba mala libe mu bunyali bwenywe, mwamiie khu ng'eeni ne khu nyuni ne khu bioosi bie bulamu bikeenda khu liloba.” 29Mala Wele aloma ali, “Namuele enywe buli simelwa sisiama bumiicho, sili khu liloba lioosi, nende buli murongooro kwe bibiaamo bilimo chimiicho bibe biakhulia bienywe. 30Ne biakhulia bia buli saang'i ne nyuni, buli siindu simoola khu liloba, nende buli siindu siilimo kumuuya kwe bulamu, bilalia bisaala.” Mala kaba kario. 31Wele abona buli sisiindu nisio akholile, mala bwaba bulayi lukali. Bwaba ekolooba, bwelabula mala bwasia, endaalo ekhola sita.

Currently Selected:

Lir. 1: LUBUKUSU

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy