YouVersion Logo
Search Icon

Matayo 1

1
1Mukanda wa bankambua ba Yesu Kilisto, muana wa Bayidi, muana wa Abalahama.
2Abalahama wakalela Isaka; Isaka wakalela Yakoba; Yakoba wakalela Yuda ne bana babo; 3Yuda ne mukashi wandi Tamâ bakalela Pelese ne Zela; Pelese wakalela Heselona; Heselona wakalela Lama; 4Lama wakalela Aminadaba; Aminadaba wakalela Nashona; Nashona wakalela Salamona; 5Salamona ne mukashi wandi Lahaba bakalela Boaza; Boaza ne Luta bakalela Obeda; Obeda wakalela Yishai; 6Yishai wakalela mukelenge Davidi.
Davidi ne mukashi wakadi kudi Uliya bakalela Solomo; 7Solomo wakalela Lehabama; Lehabama wakalela Abiya; Abiya wakalela Asa; 8Asa wakalela Yehoshafata; Yehoshafata wakalela Yolama; Yolama wakalela Uziya; 9Uziya wakalela Yotama; Yotama wakalela Ahaza; Ahaza wakalela Hizikiya; 10Hizikiya wakalela Manashe; Manashe wakalela Amona; Amona wakalela Yoshiya; 11Yoshiya wakalela Yekonya ne bana babo ku tshikondo tshiakayabo nʼabo ku Babulona.
12Hakayabo nʼabo ku Babulona, Yekonya wakalela Shalatiele; Shalatiele wakalela Zelubabela; 13Zelubabela wakalela Abihuda; Abihuda wakalela Eleyakima; Eleyakima wakalela. Azô; 14Azô wakalela Sadoka; Sadoka wakalela Akimi; Akimi wakalela Eliyuda; 15Eliyuda wakalela Eleazâ; Eleazâ wakalela Matana; Matana wakalela Yakoba; 16Yakoba wakalela Yosefe bayandi wa Malia muledi wa Yesu, udibo babikila ne, Kilisto.
17Nunku bikondo bionso ku Abalahama tô ne ku Davidi bidi dikumi ne binai; ku Bayidi tô ne hakayabo nʼabo ku Babulona bidi dikumi ne binai; bakayabo nʼabo ku Babulona tô ne ku Kilisto bidi dikumi ne binai.
Kuledibua kua Yesu
18Kuledibua kua Yesu Kilisto kuakadi nunku: Hakadi baba wandi Malia mubangila kudi Yosefe, diambedi kaba! banze kulua hohamue, bakamusangana muimitshisha difu kudi Nyuma Muimpe. 19Yosefe, bayandi, wakadi muntu muakane, yeye kakasua kumulesha kudi bantu, wakamba kumulekela mu musokoko. 20Hakadiye welangana meshi a malu â, muanjelo wa Mukelenge wakamueneka kudiye mu tshilota tshiandi, wakamba ne, Yosefe, muana wa Bayidi, kutshinyi mua kuangata mukashi webe Malia, bualu bua udi muimita munda muandi ngua Nyuma Muimpe. 21Yeye nealele muana mulume, umuidike ne, Yesu, bualu bua yeye neasungile bantu handi ku mibi yabo. 22Malu â onso akalua bua kushikisha dî dia Mukelenge diakambabo kudi muprofete ne,
23Mukashi utshidi kamama neimite difu, nealele muana mulume,
Nebamuidike dina ne, Imanuele, kuandamuna kua muaku ne, Nzambi udi nʼetu. 24Yosefe wakabika ku tulu, wakenza bu muakamuambila muanjelo wa Mukelenge, wakangata mukashi wandi; 25yeye kakamumanya tô ne hakaleleye muana mulume: wakamuidika ne, Yesu.

Currently Selected:

Matayo 1: TSH

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy