1

Elkanah Ngga Rawang-i di Shiloh

1Agi ndi naan daya dŭn Elkanah, adi so tibaran-asar Ephraim. Ayŭh rŭŭ di kupo Ramah di rais tarun tana sandah Ephraim. Ayŭh inŭh anak dari Jeroham ka sukuh Elihu, so rawang Tohu kada manak Zuph. 2Elkanah biyŭn duwŭh sawŭn, Hannah ngga Peninnah. Peninnah biyŭn anak, pak Hannah dŭh. 3Barang sawa Elkanah matak so Ramah di nyambah ka jugan sadis ka TUHAN Bisa-pŭrŭg di Shiloh, adi yŭn Hophni ngga Phinehas, anak Eli adi duwŭh madis jadi imam TUHAN. 4Barang saba Elkanah jugan sadis-i, ayŭh nggen ndi utung so dagin sadis anŭ ka Peninnah, ka ndi utung ka barang naan bara anak-i. 5Ka sunggu ayŭh raru rindu Hannah ayŭh nggen ndi utung adŭ di ayŭh, sabab#1.5 Ka sunggu...sabab; puan kah: Sunggu mŭnŭ, di Hannah, ayŭh an nggen utung adi kana dŭ, sabab-i raru rindu ayŭh, sunggu. TUHAN mbŭh bitan ayŭh biyŭn anak. 6Peninnah adi sawŭn Elkanah anŭ ndi, ari nyusah ka pimangŭh ayŭh, amai TUHAN bitan ayŭh biyŭn anak. 7Kayuh anŭ simŭnŭ bisawa sawa; ka kan di tika ngara di ka ramin TUHAN, Peninnah ari kinuas Hannah ndŭg ka ayŭh sien ka dŭh an man ani ani. 8Banŭh-i Elkanah siken ayŭh, “Hannah, mani kuu sien? Mani kuu abah man? Mani kuu ari susah? Dŭh kah aku ati mbŭh nyam ka adi rabis so simŭng anak dari di kuu?”

Hannah ngga Eli

9-10Ndi andu, ripas ngara muko man di ramin TUHAN di Shiloh, Hannah makat. Ayŭh mbŭh raru susah, ka ayŭh bandar bandar sien buang-i bidua ka TUHAN. Di tika anŭ, Eli adi imam agi guru di yŭn adŭp-i sindŭk tiban. 11#Pkg 6.5 Hannah bipayu nang, “O TUHAN adi Bisa-pŭrŭg, tingga aku ati adi urun Mai! Tingga pinyusah ku ka ingat aku! Dŭhnyah kambŭt aku! Kambŭi Kaam nggen anak dari di aku, aku bijanji aku re nitah ayŭh ka Kaam sitŭkŭd umbur-i ka ayŭh re bŭn kapŭg ubok-i.”#1.11 bŭn kapŭg ubok-i: Tandā nitah adŭp-i ka TUHAN. (tingga Pkg 6.5). 12Mua tian-i Hannah bidua ka TUHAN, ka Eli ngatin bibis-i. 13Hannah pirŭngŭt bidua; bibis-i biguyut, pak sirŭŭn-i dŭh dog dingah. Jadi Eli pikir ayŭh mabuk, 14ka nang di ayŭh, “Dŭhnyah kuu mabuk digiti! Dŭh tia nok ka nakit ngga adŭp mu!”

15“Dŭh, aku dŭh mabuk, tuan,” ayŭh nam. “Mating aku nok! Aku susah, ka aku bidua, kidaan pinyusah ku ka TUHAN. 16Dŭhnyah pikir aku ati dayung adi dŭh biguna. Aku bidua mun ati sabab aku mbŭh raru susah.”

17Eli nang di ayŭh, “Kambŭi sakanŭ, maad kuu darŭm damai, ka isa-i Tapa Israel nggen di kuu kayuh adi mite mu so Ayŭh.”

18“Isa-i kaam ari bipikir kana pasar aku,” Hannah nam. Komŭnŭ ayŭh bu, mbŭh an man, ngga dŭh tia susah.

Samuel dog Biranak ka dog Nitah ka TUHAN

19Isan isan andu jawa ndi, Elkanah ngga rawang-i awar makat, ka kan muko nyambah TUHAN, ngara mari ka Ramah. Elkanah nyibŭŭs ngga sawŭn-i Hannah, ka TUHAN nam dua-i. 20Sawŭ meh Hannah bite, ka biranak ndi anak dari. Ayŭh kadŭn anak-i anŭ Samuel,#1.20 Samuel: Rati dŭn ati darŭm piminyu Hebrew “adŭn Tapa,” ka samah ngga bang piminyu Hebrew “mite.” ka kidaan rati-i, “Aku mite ayŭh so TUHAN.”

21Tipuh mbŭh mandŭg dinge adi ngga Elkanah ngga rawang-i patut di ka Shiloh ka jugan sadis sawa ka TUHAN ngga sadis adi grua adi ayŭh muko bijanji an jugan. 22Pak saba anŭ Hannah dŭh sua. Ayŭh kidaan di banŭh-i, “Kan anak ta ati mbŭh dŭh tia nyisuh, aku re taban ayŭh ka ramin TUHAN, di yŭn-i re rŭŭ sitŭkŭd umbur-i.”

23Elkanah nam, “Kana gŭh, ndai nanyam patut sŭn adŭp mu nang. Rŭŭ di arŭn ka sita ayŭh ndŭg ka ayŭh mbŭh dŭh tia nyisuh. Ka isa-i TUHAN bada janji mu#1.23 Kada pimindai adi jah nang: janji mu; Hebrew nang: janji-I. jadi bitŭtŭk.” Jadi Hannah rŭŭ di arŭn ka sita anak-i.

24Kan anak anŭ mbŭh dŭh tia nyisuh, Hannah taban-i ngga di ka Shiloh, samŭn ndi pŭrŭng dari sapi adi gi-taruh sawa umbur-i,#1.24 Kada pimindai adi jah nang: dari sapi adi taruh sawa umbur-i; Hebrew nang: taruh dari sapi. simŭng kilogram tibaduk, ngga ndi bŭrŭh-kurit puno ngga wain. Ayŭh taban Samuel, adi gibabŭ sŭ, di ka ramin TUHAN di Shiloh. 25Ripas ngara muko siŭ dari sapi anŭ, ngara taban anak anŭ ka yŭn Eli. 26Hannah nang di Eli, “Tuan, ingat mai kah aku? Aku inŭh dayung anŭ adi kiris mai mijog digiti, bidua ka TUHAN. 27Aku mite anak ati so Ayŭh, ka Ayŭh mbŭh nggen di aku kayuh adi aku mite. 28Jadi aku nyerah ayŭh ka TUHAN. Sitŭkŭd umbur-i ayŭh re dog dapu TUHAN.”

Komŭnŭ ngara#1.28 Kada pimindai adi jah nang: ngara; Hebrew nang: ayŭh. nyambah TUHAN diginŭ.

1 SAMUEL 1:1 TBV

1 SAMUEL 1:1 TBV

Planos de Leitura e Devocionais Gratuitos relacionados com 1 SAMUEL 1:1

Compartilhar

Escolha Seu Idioma